మనం ప్రతి నిత్యం మన ఆహారంలో ఉపయోగించే ధనియాల గురించి తెలియని వారుండరు .ఈ ధనియాల మొక్కల నుండి వచ్చే కొత్తిమీర మంచి సువావన కలిగి ఉంటుంది. ప్రతి తెలుగు వారు దాదాపు ప్రతి కూరలో కొత్తిమీరను విరివిగా వాడతారు. జీర్ణ కోశ సమస్యలను తగ్గించడంలో కొత్తిమీరను మించిన ఓషదం లేదనే చెప్పాలి . దీనిని కేవలం వంటింటి పదార్థంగా మాత్రమే కాకుండా కొత్తిమీరను ఔషధంగా కూడా ఉపయోగిస్తున్నాం.కొత్తిమీర మొక్క కాండంలోనూ, ఆకుల్లోనూ, గింజల్లోనూ సుగంధ వాసనలు , ఔషధ తత్వాలూ అనేకం కలిగి ఉన్నాయి .

అయితే ప్రతిరోజూ ఉదయం పరగడపునే కొత్తిమీర జ్యూస్ ఒక గ్లాస్ తాగడం వల్ల మన బాడీ మెటబాలిజం రేటు పెరుగుతుంది. అధిక బరువును సులభంగా తగ్గించు కోవడానికి ఇది బాగా ఉపయోగపడుతుంది. కొత్తిమీరలోని ప్రత్యేక ఓషధి గుణాలు కిడ్నీల్లోని రాళ్లను బయటికి పంపడంలో బాగా సహాయపడతాయి. యాంటీ బ్యాక్టీరియల్, యాంటీ వైరల్, యాంటీ మైక్రోబియల్ వంటి ఓషద గుణాలు కలిగిన కొత్తిమీర రసాన్ని రెగ్యులర్గా తీసుకోవడం వల్ల తరుచుగా వచ్చే వైరల్ ఫీవర్స్, జలుబు వంటి సమస్యలు దూరంచేసుకోవచ్చు