Deepavali Festival Which Mantras to be Chanted( దీపావళి పండుగ నాడు ఏ ఏ మంత్రాలను జపించాలి )

మన హిందూ పురాణాల ప్రకారం దేవతా మంత్రాలకు అపారమైన శక్తి ఉంది. ఈ మంత్రాలను జపించడం వల్ల  అపరమితమైన ఆధ్యాత్మిక శక్తి లభిస్తుంది. సరైన పద్ధతిలో వీటిని  సరిగ్గా ఉచ్ఛరిస్తే మనలో దైవత్వ ప్రకంపనలు సిద్ధిస్తాయి. విశ్వంలోని ఈ ప్రకంపనలు మనకు మానసిక ఆనందాన్ని, సంతోషాన్ని కలిగిస్తాయి. వీటిలో ముఖ్యమైంది లక్ష్మీ మంత్రం. దీన్ని సిద్ధి మంత్రం అని కూడా అంటారు. ఈ మంత్రల్లో ప్రతి అక్షరం అత్యంత శక్తివంతమైంది. మనస్ఫూర్తిగా ,నిష్టగా వీటిని జపిస్తే అనుకూల ఫలితాలు లభిస్తాయి. జీవితంలో ఎదురయ్యే ఆర్ధిక ఆటంకాలు తొలగిపోయి విజయాలు దరిచేరుతాయి. అయితే దీపావళి రోజున కొన్ని ప్రత్యేక మంత్రాలను ఉచ్ఛరిస్ మన కోరికలు త్వరగా నెరవేరుతాయి .

ఓం శ్రీం మహాలక్ష్మీయే నమ: మంత్రాన్ని108 సార్లు నిష్ఠగా పఠించడం వల్ల ఆర్థిక ప్రయోజనాలు కలుగుతాయి.

 ఓం హ్రీం శ్రీం క్లీం మహాలక్ష్మీయే నమ: మంత్రాన్ని108 సార్లు ఉచ్చరించడం వల్ల అన్ని రంగాల్లోనూ అభివృద్ధి సాధిస్తారు.

ఓం శ్రీం శ్రీ అయే నమ: మంత్రాన్ని 108 సార్లు పలకడం వల్ల మానసిక సంతోషం లభిస్తుంది.

ఓం మహాదేవ్యేచ విద్మహే, విష్ణు పత్నేచ దీమహే... తన్నో లక్ష్మీ ప్రచోదయాత్ అనేది లక్ష్మీ గాయత్రి మంత్రం.ఈ మంత్రం జపించడం వల్ల ఆధ్యాత్మికంగా వృద్ధి చెందుతారు.అలాగే

ఓ శ్రీంగ్ హ్రింగ్ క్లీంగ్ ఐంగ్ సంగ్

ఓ హ్రింగ్ కా ఏ ఈ లే... హ్రింగ్ హసా కా హ ల హ్రింగ్ సకల్... హ్రింగ్ సౌంగ్ ఐంగ్, క్లీంగ్ హ్రింగ్ శ్రీంగ్ ఓం అనే మంత్రాన్ని 108 సార్లు జపించడం వల్ల వృత్తి, ఉద్యోగ, వ్యాపార, ధన వస్తు లాభం,కుటుంబవృద్ధి ,మానసిక, శారీరక అనారోగ్యాలు సమసిపోతాయి. అలాగే వైవాహిక జీవితంలో ఇబ్బందులు తొలగిపోతాయి.అలాగే ఈ దీపావళి రోజున శ్రీ మహాలక్ష్మీకి కోటి కుంకుమార్చన, శ్రీ మహా లక్ష్మీకి 108 కలువ పువ్వులతో పూజలు చేస్తే ఆ ఇంటి ఇల్లాలికి అఖండ సౌభాగ్యం ,మహా పుణ్యం చేకురుతాయని వేదాలు గోషిస్తున్నాయి . మన పూజ గదిలో గానీ, ఆలయంలో గానీ కూర్చుని వీటిని నిష్ఠగా జపించడం వల్ల లక్ష్మీదేవి అనుగ్రహం లభిస్తుంది.